37 տարի առաջ այս օրը՝ 1988թ․ դեկտեմբերի 7-ին Հայաստանում խոշոր երկրաշարժ եղավ, որը խլեց 25 հազար մարդու կյանք։

Զոհերը հատկապես շատ էին Գյումրիում՝ մոտ 15-17 հազար, և Սպիտակում՝ 4 հազար մարդ: Երկրաշարժի հետևանքով լրիվ կամ մասնակի ավերվեց Սպիտակ, Լենինական (Գյումրի), Կիրովական (Վանաձոր), Ստեփանավան քաղաքները, Սպիտակի, Ախուրյանի, Գուգարքի, Արագածի, Կալինինոյի, Ստեփանավանի շրջանների հարյուրից ավելի գյուղեր ու բնակավայրեր։

Այդ օրերին շարքից դուրս էր եկել Հայաստանի արդյունաբերական ներուժի շուրջ 40 %-ը։ Էպիկենտրոնում՝ Շիրակամուտ (Նալբանդ) գյուղում, ցնցումների ուժգնությունն էլ հասել է մինչև 9-10 բալի։