Միջադեպի կանխման և անվտանգության ապահովման նկատառմամբ մեկ անձ տարածքից հեռացվել է, հայտնել է ՀՀ ՆԳՆ մամուլի խոսնակ Նարեկ Սարգսյանն՝ անդրադառնալով տեղեկություններին, թե Գյումրու Յոթ Վերք եկեղեցուց քաղաքացուն բերման են ենթարկել։
«Եվս մեկ անձ վարչական իրավախախտումների վերաբերյալ ՀՀ օրենսգրքի 175-րդ հոդվածով (Հասարակական վայրերում ոգելից խմիչքներ օգտագործելը կամ ոչ սթափ վիճակում հայտնվելը) նախատեսված արարք կատարելու համար տեղափոխվել է Համայնքային ոստիկանության Մուշի բաժին, իրականացվում է վարչարարություն։ Ձերբակալվածներ չկան»։
