azatutyun.am։ Ուկրաինայի համար խաղաղության ծրագրի շուրջ ԱՄՆ ներկայացուցիչների հետ բանակցությունները կառուցողական էին, բայց բարդ, հայտարարել է Ուկրաինայի նախագահ Վլադիմիր Զելենսկին:
Շաբաթ օրը Զելենսկին հեռախոսազրույց է ունեցել ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆի և Թրամփի փեսա Ջարեդ Քուշների հետ:
«Ամերիկյան ներկայացուցիչները գիտեն Ուկրաինայի հիմնական դիրքորոշումները, – ասել է Զելենսկին իր երեկոյան տեսաուղերձում, – Խոսակցությունը կառուցողական էր, չնայած նաև դժվար»:
Մոսկվան հայտարարում է, որ բաց է բանակցությունների համար և մեղադրում է Կիևին և Արևմուտքին խաղաղ գործընթացը արգելափակելու մեջ, մինչդեռ Ուկրաինան և նրա դաշնակիցները հայտարարում են, որ Ռուսաստանը ժամանակ է ձգում և դիվանագիտությունն օգտագործում է իր ձեռքբերումներն ամրապնդելու համար:
