«Հայաստան» խմբակցության պատգամավոր Գառնիկ Դանիելյանը հայտնել է, որ կալանքի տակ գտնվող Միքայել արքեպիսկոպոս Աջապահյանը շտապ վիրահատության կարիք ունի:
Արդարադատության նախարար Սրբուհի Գալյանը լրագրողների հետ զրույցում հայտարարել է, որ այս պահին որևէ ծայրահեղ առողջական խնդիր առկա չէ:
Մեկնաբանելով Դանիելյանի հայտարարությունը, Գալյանն ասել է, որ անձը պետք է դիմում ներկայացնի. այդ դիմումը կքննարկվի, և կներկայացվի համապատասխան պատասխանը, և կձեռնարկվեն առողջության պահպանմանն ուղղված միջոցները:
Նա նշել է, որ հանձնարարել է, որ իրենց իրավաբանը մոտենա նրան և վերցնի դիմումը, եթե փաստաբանները դա չանեն:
