news.am Իրանի և Հայաստանի էլեկտրաէներգիայի արդյունաբերության ներկայացուցիչները շաբաթ օրը քննարկել են 2026 թվականի ամռանը էլեկտրաէներգիայի ներկրումն ավելացնելու հարցը, հաղորդում է Mehr-ը։

Երևանում կայացել է «Իրանի և Հայաստանի Հանրապետության միջև էլեկտրական ցանցերի շահագործման համատեղ կոմիտեի» 5-րդ նիստը՝ Իրանի էներգետիկայի փոխնախարարի էլեկտրական ցանցերի ռազմավարության գծով և Հայաստանի էներգետիկ համակարգի օպերատորի գլխավոր տնօրեն Նարեկ Ապիտոնյանի մասնակցությամբ։

Հանդիպման ընթացքում կողմերը քննարկել են էներգիայի փոխանակման, Իրանի և Հայաստանի միջև գազի և էլեկտրաէներգիայի բարտերի ոլորտում երկու երկրների հետևողական համագործակցության պատմությունը, ինչպես նաև համապատասխան հարցեր։ Բացի այդ, երկու կողմերն էլ շեշտել են համապատասխան ոլորտում երկկողմ համագործակցության ամրապնդման և խորացման անհրաժեշտությունը։

Նարեկ Ապիտոնյանը ֆեյսբուքյան էջում գրել է, որ հանդիպման ընթացքում կողմերը վերահաստատեցին պատրաստակամությունը շարունակելու աշխատանքները՝ ուղղված էլեկտրաէներգետիկական համակարգերի անվտանգ, հուսալի և արդյունավետ գործունեության ապահովմանը։ Նա նշել է, որ ձեռք են բերել պայմանավորվածություններ աշխատանքային խմբի հետագա աշխատանքների կազմակերպման և առաջընթացի վերահսկման շուրջ։

Շարունակությունը սկզբնաղբյուր կայքում։