pastinfo.am Սամվել Շահրամանյանը ՔԿ-ում է՝ հարցաքննության՝ Արցախյան երրորդ՝ 44-օրյա պատերազմի, Արցախի անկմանը, Արցախի տեղեկատվական շտաբում տեղ գտած հայտարարություններով ՀՀ շահերին իբրև վնաս պատճառելու վերաբերյալ վարույթով։ Քրեական վարույթը նախաձեռնվել է Սամվել Բաբայանի հաղորդման հիման վրա։ Այս մասին լրագրողների հետ զրույցում ասաց փաստաբան Ռոման Երիցյանը։
Նա մինչ ՔԿ մուտք գործելը, լրագրողների հետ զրույցում նշեց, որ Շահրամանյանն ունի վկայի կարգավիճակ, բայց նկատի ունենալով ՀՀ-ում տեղի ունեցող իրադարձությունները, դեկտեմբերի 11-ին Արցախի ներկայացուցչությունում տեղի ունեցած աբսուրդը, ամեն ինչ էլ սպասելի է։
Հարցին՝ արդյո՞ք սա նաև Ադրբեջանից եկող պահանջ է՝ Ռոման Երիցյանը պատահականություն չհամարեց, որ հենց այսօր է հարցաքննվում Շահրամանյանը, պատահական չի համարում Արցախի ներկայացուցչությունում տեղի ունեցած քաղաքական գործընթացը, ռեպրեսիան, որ իրականացվել է, պատահական չէ, որ դատական նիստից հետո Վեհափառի տեսակետը կիսելու մասին հայտարարությունից անմիջապես հետո մեկ այլ վարույթով հարցաքննության հրավիրելը։
