Հայաստանի պաշտպանության նախարարի մամուլի քարտուղար Արամ Թորոսյանը հերքել է սոցիալական ցանցերում տարածվող լուրը, թե Ադրբեջանի զինված ուժերը Նախիջևանի հատվածում մի քանի անգամ կրակել են հայկական դիրքերի ուղղությամբ։
«Չի համապատասխանում իրականությանը, հերթական ապատեղեկատվությունն է: Ի՞նչ է սա, եթե ոչ պետության դեմ ուղղված հիբրիդային արշավի դրսևորում»,- «Ֆեյսբուք»-ի իր էջում գրել է Արամ Թորոսյանը:
Ավելի վաղ լրագրող Դավիթ Գալստյանը «Ֆեյսբուք»-ի իր էջում գրել էր, թե Ադրբեջանի ԶՈՒ զինծառայողները դեկտեմբերի 23-ի երեկոյան Նախիջևանի հատվածում մի քանի անգամ կրակել են հայկական դիրքերի ուղղությամբ՝ շեշտելով, թե իրեն հասած տեղեկություններով կրակոցները թիրախային չեն եղել։
