Հայաստանի Հանրապետության ու Իրանի Իսլամական Հանրապետության հարաբերությունները 2025 թվականին լի էին բովանդակային աշխատանքով, նոր նախաձեռնություններով և գործընկերային կապերի խորացմամբ։

Այս մասին «Ֆեյսբուք» սոցիալական ցանցում արված գրառման մեջ նշել է Իրանում ՀՀ դեսպանությունը՝ տարածելով ընթացիկ տարին ամփոփող տեսանյութ։

«Տարին նշանավորվեց բարձրաստիճան մի շարք փոխայցերով, շուրջ երկու տասնյակ ստորագրված փաստաթղթերով և բազմաբնույթ միջոցառումներով։

Հայաստան–Իրան․ դեպի ռազմավարական գործընկերություն»,- նշված է ՀՀ դեսպանության տարածած հաղորդագրության մեջ։