ՀԷՑ-ի «Վարդաշեն» ենթակայանում օրերս տեղի ունեցած վթարի հիմնական պատճառը, ըստ նախնական վարկածներից մեկի, էլեկտրական բեռի կտրուկ ավելանալն է՝ մինչ այս այդ տարածքում արձանագրված միջին ցուցանիշների համեմատ։
Այս մասին հաղորդում է ՀԷՑ ժամանակավոր տնօրեն Ռոմանոս Պետրոսյանը։
Նա ներկայացրել է տվյալներ նախորդ տարիների համեմատ ամանորի ժամանակ սպառման ցուցանիշների վերաբերյալ։
«Վերջին տարիներին մեր երկրում ինտենսիվորեն աճել է էլեկտրաէներգիայի սպառման ծավալները, իսկ տարվա կտրվածքով՝ սպառման առավելագույն ծավալը (էլեկտրական բեռը) որպես կանոն, արձանագրվում է Ամանորի նախօրեին՝ դեկտեմբերի 31-ի երեկոյան։
2022թ. Ամանորին բեռը կազմել է՝ 1.243 ՄՎտ,
2023թ. Ամանորին կազմել է՝ 1.264 ՄՎտ,
2024թ. Ամանորին կազմել է՝ 1.286 ՄՎտ
Իսկ արդեն այս տարի, մեկ շաբաթ առաջ՝ դեկտեմբերի 23-ին՝ սպառման պիկ ժամին, ՀՀ-ում էլեկտրական բեռը կազմել է 1.489 ՄՎտ»։,- նշել է Պետրոսյանը։
ՀԷՑ տնօրենը հորդորել է այս օրերին հնարավորինս խնայողաբար սպառել էլեկտրաէներգիան, կենցաղում զերծ մնալ էլեկտրաէներգիայի սպառման սարքերի հավելյալ կիրառումից՝ դրանով լրացուցիչ չծանրաբեռնելով թե՛ ձեր բնակարանների սպառման սխեման, եւ թե՛ խնայելով ձեր ընտանեկան բյուջեն։
