Օդի ջերմաստիճանը հունվարի 3-ի լույս 4-ի գիշերը ՀՀ ողջ տարածքում այսօրվա համեմատ կնվազի 14-18 աստիճանով։
Այս մասին իր ֆեյսբուքյան էջում հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
Նա նշել է, որ նառատ ցիկլոնը հեռանում է, և երեկոյան ժամերից ՀՀ ողջ տարածքում տեղումները կդադարեն։
«Երեկոյան ժամերից եղանակը կսկսի պարզել, նաև Հայաստան կներթափանցեն արկտիկական ցուրտ օդային հոսանքներ։ Օդի ջերմաստիճանը հունվարի 3-ի լույս 4-ի գիշերը ՀՀ ողջ տարածքում այսօրվա համեմատ կնվազի 14-18 աստիճանով»,- ասել է նա։
Սուրենյանը հայտնել է նաև, որ ճանապարհներից սպասվում է մերկասառույց՝ հորդորելով վարորդներին զգույշ վարել։
