arm.sputniknews.ru։ Վենեսուելայի ընդդիմության առաջնորդ և Խաղաղության Նոբելյան մրցանակի դափնեկիր Մարիա Կորինա Մաչադոն ԱՄՆ-ի կողմից Վենեսուելայի նախագահ Նիկոլաս Մադուրոյի ձերբակալությունից հետո հայտարարել է, որ վերջինս հեռացվել է պաշտոնից բանակցություններից հրաժարվելուց հետո և հավելել, որ ինքը կարգուկանոն կհաստատի երկրում ու ազատ կարձակի քաղբանտարկյալներին:
«Մենք պատրաստ ենք իրացնել մեր մանդատը և գալ իշխանության»,– ասվում է հայտարարության մեջ:
Մաչադոն գրում է, որ այսօր ընդդիմությունը պատրաստ է «վերադարձնել իշխանությունը», որը, նրա խոսքով, իրենցից գողացել էին 2024 թվականի ընտրություններում, երբ Մադուրոն նախագահ էր հայտարարվել:
