news.am: ԱՄՆ նախագահ Դոնալդ Թրամփը մեղադրել է Կոլումբիայի նախագահ Գուստավո Պետրոյին թմրանյութերի ապօրինի շրջանառությանը աջակցելու մեջ և չի բացառել վենեսուելական գործողության նման գործողություն իրականացնելու հնարավորությունը։
Թրամփի խոսքով՝ Կոլումբիան «ղեկավարում է մի հիվանդ մարդ, ում դուր է գալիս կոկաին արտադրել և այն վաճառել ԱՄՆ-ում»:
«Նա կոկաինի գործարաններ ունի»,- ասել է Թրամփը նախագահական ինքնաթիռում լրագրողների հետ զրույցում:
Այն հարցին, թե ԱՄՆ-ն գործողություն կիրականացնի՞ Կոլումբիայի դեմ, նա պատասխանել է. «Ինձ համար դա գրավիչ է հնչում»:
Հունվարի 3-ին ամերիկյան հատուկ ջոկատայինները Կարակասում ձերբակալել են Վենեսուելայի նախագահ Նիկոլաս Մադուրոյին և տեղափոխել ԱՄՆ, որտեղ նրան մեղադրանք է առաջադրվելթմրավաճառությանը մասնակցելու համար: Նիկոլաս Մադուրոն ամերիկյան դաշնային դատարանի առջև կկանգնի հունվարի 5-ին՝ Նյու Յորքում:
