azatutyun.am ՄԱԿ-ի գլխավոր քարտուղար Անտոնիու Գուտերեշը մտահոգություն է հայտնել Վենեսուելայում ԱՄՆ-ի կողմից նախագահ Նիկոլաս Մադուրոյի ձերբակալությունից հետո անկայունության հնարավոր աճի վերաբերյալ:
15 անդամից բաղկացած Անվտանգության խորհուրդը նիստ է անցկացրել Նյու Յորքում գտնվող ՄԱԿ-ի կենտրոնակայանում՝ Մադուրոյի Մանհեթենի դաշնային դատարան ներկայանալուց ընդամենը մի քանի ժամ առաջ։ Մադուրոն իրեն մեղավոր չի ճանաչել թմրանյութերի միջոցով ահաբեկչության, ինչպես նաև մյուս քրեական հոդվածներով:
«Ես խորապես մտահոգված եմ երկրում անկայունության հնարավոր սրմամբ, տարածաշրջանի վրա հնարավոր ազդեցությամբ և այն նախադեպով, որը դա կարող է ստեղծել պետությունների միջև հարաբերությունների կարգավորման համար», – ասվում է Գուտերեշի հայտարարության մեջ։
