Ուկրաինային աջակցող Եվրոպացի առաջնորդներն ու ԱՄՆ ներկայացուցիչները հանդիպել են Փարիզում:
Այս մասին հաղորդում է Deutsche welle-ն։
Ուկրաինայի նախագահ Վոլոդիմիր Զելենսկին, ՆԱՏՕ-ի գլխավոր քարտուղար Մարկ Ռյուտտեն, ինչպես նաև ԱՄՆ նախագահ Դոնալդ Թրամփի գլխավոր բանագնաց Սթիվ Ուիթքոֆը և Թրամփի փեսա Ջարեդ Քուշները մասնակցում են Փարիզում անցկացվող հանդիպմանը, որի նպատակն է ամրապնդել Ուկրաինայի անվտանգության երաշխիքները։
Մակրոնն ու Զելենսկին նախ անցկացրել են դեմ առ դեմ հանդիպում, որից հետո միացել են մյուս մասնակիցները։
Նրանք նաև նախատեսում են միասին ճաշել։
