news.am ՄԱԿ-ի պաղեստինցի փախստականների հարցերով գրասենյակը (UNRWA) մի քանի շաբաթվա ընթացքում գրասենյակ կբացի Անկարայում, հինգշաբթի Թուրքիայի մայրաքաղաք այցի ժամանակ հայտարարել է գրասենյակի ղեկավար Ֆիլիպ Լազարինին, հայտնել է Ֆրանսպրես գործակալությունը։
«Մենք վերջնական համաձայնագիր ենք ստորագրել Թուրքիայի կառավարության հետ, և այս անգամ այն նաև հաստատվել է խորհրդարանի կողմից»,- լրագրողներին ասել է Լազարինին՝ հավելելով, որ համաձայնագիրն ուժի մեջ կմտնի մի քանի շաբաթից։
Քայլը կատարվել է UNRWA-ի՝ «ծանր» ֆինանսական ճգնաժամի մեջ հայտնվելու մասին հայտարարությունից մեկ օր անց. ճգնաժամ, որը գործակալությանը ստիպել է աշխատանքից ազատել հարյուրավոր աշխատակիցների, որոնք փախել էին Գազայից։
