Թեհրանի դատախազ Ալի Սալեհին զգուշացրել է, որ զանգվածային անկարգություններին մասնակցողները, որոնք վնասել են գույքը և կրակ են բացել իրավապահ մարմինների աշխատակիցների վրա, պատասխանատվության կենթարկվեն «պետության դեմ ապստամբության» քրեական օրենսգրքով։
«Դատական համակարգի կարմիր գիծը երկրի քաղաքացիների անվտանգությունն է։ Ահաբեկիչների նկատմամբ մեր մոտեցումը կլինի զսպող, իսկ նրանք կպատժվեն պետության դեմ ապստամբության համար», – ասել է Սալեհին Իրանի պետական հեռարձակողի եթերում։
Իրանի քրեական օրենսդրությամբ «պետության դեմ ապստամբությունը» սահմանվում է որպես բնակչությանը վախեցնելու համար զենքի օգտագործում։ Այս հանցագործության մեջ մեղավոր ճանաչված յուրաքանչյուր ոք կարող է դատապարտվել մահապատժի։
