Գեղարքունիքի մարզի 1482 հողօգտագործող պետության կողմից ստացել է 2024-2025 թվականների ընթացքում գրանցված կարկտահարությունների վնասների դիմաց մասնակի փոխհատուցումները։
Ինչպես տեղեկացնում են Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից, կարկտահարության պատճառած վնասների դիմաց տրվել է 67 միլիոն 272 հազար դրամի չափով մասնակի փոխհատուցում։
Մարտունի համայնքում մասնակի փոխհատուցում տրամադրվել է Արծվանիստ, Ծովինար, Լիճք և Գեղհովիտ բնակավայրերի հողօգտագործողներին՝ 13 միլիոն 345 հազար դրամի չափով։
Ճամբարակ համայնքում մասնակի փոխհատուցում տրամադրվել է Ճամբարակ քաղաքի, Վահան, Դրախտիկ և Աղբերք գյուղերի հողօգտագործողներին՝ 22 միլիոն 384 հազար դրամի չափով։
31 միլիոն 541 հազար դրամի չափով մասնակի փոխհատուցում է տրվել Վարդենիս համայնքի Այրք, Կարճաղբյուր, Տորֆավան, Վանևան, Նորակերտ բնակավայրերի հողօգտագործողներին։
2026 թվականի հունվարի 13-ի դրությամբ փոխհատուցման գումարներն ամբողջությամբ վճարվել են կարկտահարությունից տուժած տնտեսություններին։
