azatutyun.am ՄԱԿ-ի մարդու իրավունքների գերագույն հանձնակատարը «սարսափած է» Իրանում հակակառավարական ցույցերի ժամանակ հարյուրավոր զոհերի, ցուցարարների նկատմամբ աճող բռնաճնշումների մասին հաղորդումներից:
«Խաղաղ ցուցարարների սպանությունները պետք է դադարեցվեն, և ցուցարարներին «ահաբեկիչներ» անվանելը՝ նրանց դեմ բռնությունն արդարացնելու համար անընդունելի է», – ասված է Ֆոլկեր Տյուրքի հայտարարության մեջ:
Իրանում արդեն երրորդ շաբաթն ՝ հակակառավարական ցույցեր են: Երկրում ինտերնետի անջատման պատճառով խիստ սահմանափակ է ստացվող տեղեկատվությունը, հեռախոսային ծառայությունները ևս սահմանափակվել են: ԱՄՆ-ում տեղակայված HRANA իրավապաշտպան կազմակերպությունը հայտնել է, որ դեկտեմբերի 28-ի ցույցերի մեկնարկից ի վեր զոհվել է 599 մարդ՝ 510 ցուցարար և 89 անվտանգության աշխատակից, ձերբակալվածների թիվն անցնում է 10 հազարը:
