1lurer.am Վաշինգտոնը տեղեկություններ ունի, որ Իրանի իշխանությունները այլևս մահապատիժներ իրականացնելու ծրագրեր չունեն: Այս մասին հայտարարել է ԱՄՆ նախագահ Դոնալդ Թրամփը։
«Ինձ ասել են, որ Իրանում սպանությունները դադարել են, որ մահապատիժներ իրականացնելու ծրագրեր այլևս չկան: Ես լավ աղբյուր ունեմ, որը պատմում է ինձ այս մասին»,- Սպիտակ տանը լրագրողների հետ զրույցում ասել է նա:
Ավելի վաղ Թրամփը սպառնացել էր կոշտ միջոցներ ձեռնարկել Իրանի դեմ՝ ի պատասխան իշխանությունների կողմից երկրում լայնածավալ բողոքի ցույցերի ճնշման։ Ամերիկյան լրատվամիջոցների հաղորդագրությունների համաձայն, Թրամփը դեռևս չի որոշել, թե ինչ կոնկրետ միջոցներ է պատրաստ ձեռնարկել։
