tert.am Սիրիայի նախագահը Դամասկոսում ընդունել է ԱՄՆ հատուկ դեսպանորդ Թոմաս Բարաքին, հայտնում է SANA գործակալությունը։

Հանդիպման ընթացքում Ահմեդ ալ-Շարաան ընդգծել է Սիրիայի միասնությունն ու ինքնիշխանությունը երկրի ողջ տարածքում, ներկա փուլում երկխոսության և բոլոր սիրիացիների մասնակցությամբ Սիրիայի կառուցման կարևորությունը, ինչպես նաև ահաբեկչության դեմ պայքարում ջանքերի շարունակական համակարգումը։

Քննարկվել են նաև Սիրիայի և ԱՄՆ-ի միջև տնտեսական համագործակցության ամրապնդման ուղիները և տարածաշրջանային վերջին զարգացումները։