news.am Բուլղարիայի նախագահ Ռումեն Ռադևը հայտարարել է հրաժարական տալու մտադրության մասին, գրել է «bTV Новините»-ն: Երկրի քաղաքացիներին ուղղած իր խոսքում նա նշել է, որ վաղը կներկայացնի պաշտոնական հրաժարականը:
Ռադևի խոսքով՝ փոխնախագահ Իլիանա Յոտովան կդառնա «պետության արժանի ղեկավար»:
«Հանգամանքներն ինձ ստիպել են նշանակել յոթ ժամանակավոր կառավարություն՝ իմ լիազորությունների սահմաններում պետական և հասարակական շահերը պաշտպանելու համար: Այսօր ես վերջին անգամ դիմում եմ ձեզ որպես Բուլղարիայի նախագահ»,- նշել է նա:
Դեկտեմբերին Բուլղարիայի կառավարությունը հրաժարական տվեց վիճահարույց բյուջետային օրինագծի դեմ զանգվածային բողոքի ցույցերի պայմաններում: Բողոքի ցույցերը վերածվեցին կառավարության գործունեության նկատմամբ դժգոհության՝ կոռուպցիայի, անարդարության և բազմաթիվ պետական ոլորտներում ձախողումների պատճառով:
