news.am Եվրոպական խորհրդարանը պաշտոնապես կասեցրեց ԱՄՆ նախագահ Դոնալդ Թրամփի հետ կնքված առևտրային համաձայնագրի իրականացման աշխատանքները՝ Գրենլանդիայի առնչությամբ նոր մաքսատուրքեր սահմանելու նրա սպառնալիքից հետո։

X սոցիալական մեդիա հարթակում գրառման մեջ Միջազգային առևտրի խորհրդարանական հանձնաժողովի նախագահ Բերնդ Լանգեն նշել է. «Այժմ պաշտոնականը. ԵՄ-ԱՄՆ առևտրային համաձայնագիրը կասեցված է մինչև հետագա ծանուցում։ Մեր բանակցային թիմը հենց նոր որոշել է կասեցնել համաձայնագրի իրավական ձևակերպման աշխատանքները։ Մեր ինքնիշխանությունն ու տարածքային ամբողջականությունը վտանգված են։ Սովորականի պես շարունակելն այլևս հնարավոր չէ»։