azatutyun.am: Այսօր հեռախոսազրույց են ունեցել Թուրքիայի և Ադրբեջանի արտգործնախարարներ Մևլյութ Չավուշօղլուն և Ջեյհուն Բայրամովը։
Չավուշօղլուն ցավակցություն է հայտնել «հայկական կողմի սադրանքի» հետևանքով ադրբեջանցի զինծառայողների զոհվելու կապակցությամբ և ընդգծել, որ Թուրքիան միշտ Ադրբեջանի կողքին է, հաղորդում է Ադրբեջանի ԱԳՆ-ը:
Հաղորդագրության համաձայն՝ քննարկվել են նաև Ադրբեջան-Թուրքիա հարաբերությունների օրակարգային մի շարք հարցեր, ինչպես նաև տարածաշրջանային ընթացիկ իրավիճակը։
Թուրքիայի արտաքին քաղաքական գերատեսչությունը զրույցի մասին հաղորդագրություն առայժմ չի հրապարակել:
