armenpress.am Սլովակիայի կառավարությունը որոշել է դեռ չմիանալ ԱՄՆ նախագահ Դոնալդ Թրամփի «Խաղաղության խորհուրդ» նախաձեռնությանը, որը միտված է Գազայի հատվածի վերակառուցման վերահսկմանը։
Ինչպես հաղորդում է «ՌԻԱ Նովոստի»-ն, այս մասին ասվում է Սլովակիայի կողմից հաստատված փաստաթղթերում։
«Ստեղծված հանգամանքներում Սլովակիայի կառավարությունը որոշել է առայժմ չմիանալ Խաղաղության խորհրդին», – նշվում է փաստաթղթում, որը Սլովակիայի կառավարությունը հաստատել է հունվարի 28-ին։
Հունվարի 27-ին Սլովակիայի վարչապետ Ռոբերտ Ֆիցոն հայտարարել էր, որ երկիրը պետք է մերժի «Խաղաղության խորհրդին» միանալու հրավերը։ Նա նշել էր, որ Սլովակիան կմնա խաղաղության կողմնակից երկիր, բայց չի կարող միանալ նման ֆինանսական ներդրումներ պահանջող նախաձեռնությանը։
