shantnews.am Հնդկաստանի վարչապետ Նարենդրա Մոդին շնորհակալություն է հայտնել ԱՄՆ նախագահ Դոնալդ Թրամփին Հնդկաստանի նկատմամբ մաքսատուրքը մինչև 18% նվազեցնելու որոշման համար։
«Ես ուրախ էի այսօր խոսել իմ սիրելի ընկեր նախագահ Թրամփի հետ։ Ես ուրախ եմ, որ Հնդկաստանում արտադրված ապրանքների նկատմամբ այժմ կգործի 18% նվազեցված մաքսատուրք։ Հնդկաստանի 1.4 միլիարդ բնակչության անունից ես խորը երախտագիտություն եմ հայտնում նախագահ Թրամփին այս հրաշալի հայտարարության համար»,- գրել է Մոդին X-ի իր միկրոբլոգում։
Նա նաև հավելել է. «Երբ երկու խոշոր տնտեսություններ և աշխարհի ամենամեծ ժողովրդավարությունները միասին աշխատում են, դա օգուտ է բերում մեր ժողովրդին և բացում է փոխշահավետ համագործակցության հսկայական հնարավորություններ»։ «Նախագահ Թրամփի առաջնորդությունը կենսական նշանակություն ունի համաշխարհային խաղաղության, կայունության և բարգավաճման համար։ Հնդկաստանը լիովին աջակցում է նրա ջանքերին՝ խաղաղության հասնելու համար։ Ես անհամբեր սպասում եմ նրա հետ սերտ համագործակցությանը՝ մեր գործընկերությունը աննախադեպ մակարդակի հասցնելու համար»,- եզրափակել է նա։
Ավելի վաղ ԱՄՆ նախագահ Դոնալդ Թրամփը հայտնել էր, որ ԱՄՆ-ն Հնդկաստանից ներմուծվող ապրանքների նկատմամբ մաքսատուրքերը 25%-ից կնվազեցնի մինչև 18%։
«Նրանք նույնպես կնվազեցնեն իրենց մաքսատուրքերը և ոչ սակագնային արգելքները ԱՄՆ նկատմամբ՝ դրանք հասցնելով զրոյի»,- հայտնել է Թրամփը։
