factor.am Ռուսաստանի նախագահ Վլադիմիր Պուտինը տեսակապով զրուցել է Չինաստանի նախագահ Սի Ցզինպինի հետ։ Ըստ ՌԻԱ Նովոստիի՝ զրույցը տեղի է ունեցել չինական Նոր տարվա նախաշեմին, որը սկսվում է 2026 թվականի փետրվարի 17-ին։
ՌԴ նախագահի մամուլի քարտուղար Դմիտրի Պեսկովը տեղեկացրել է, որ զրույցը «հիմնականում կենտրոնացել է բոլոր ոլորտներում երկկողմ հարաբերությունների և միջազգային հարցերի վերաբերյալ կարծիքների փոխանակման վրա»։
Նա հավելել է, որ ռուս-չինական հարաբերությունները «զարգանում են համակարգված, լայնածավալ, արդյունավետ և հաջողությամբ»։
«Մենք երկու կողմերից էլ քաղաքական կամք ենք տեսնում այս համագործակցությունը շարունակելու համար»,- ընդգծել է նա։
