armenpress.am Ռուսաստանը՝ որպես Եվրասիական տնտեսական միության (ԵԱՏՄ) անդամ, պատրաստ է քննարկել ազատ առևտրի գոտու ստեղծումը Mercosur-ի՝ Լատինական Ամերիկայի խոշորագույն տնտեսական միավորման հետ:
«ՌԴ-ն գնահատում է տարածաշրջանի խոշորագույն տնտեսական բլոկի՝ Mercosur-ի հետ բանակցությունների հնարավոր հեռանկարները», – «Իզվեստիա» պարբերականին ասել է ՌԴ փոխվարչապետ Ալեքսեյ Օվերչուկը։
1991 թվականին հիմնադրված Mercosur-ի կազմում են Արգենտինան, Բոլիվիան, Բրազիլիան, Պարագվայը և Ուրուգվայը։
«Մենք միշտ բաց ենք նման երկխոսության համար և, իհարկե, շահագրգռված ենք ԵԱՏՄ-ի տնտեսությունների հնարավորությունների ընդլայնմամբ», – նշել է Օվերչուկը։
