azatutyun.am «Հնարավորությունների նոր պատուհան է բացվում»,- այսօր Ժնևում Միացյալ Նահանգների պատվիրակության հետ բանակցությունների ավարտին հայտարարել է Իրանի ԱԳ նախարար Աբբաս Արաղչին:
Նա հավելել է, որ Իրանն ու ԱՄՆ-ն համաձայնել են այն հիմնական սկզբունքների շուրջ, որոնցով պետք է առաջնորդվեն Թեհրանի միջուկային ծրագրի շուրջ բանակցություններում:
«Մենք հուսով ենք, որ բանակցությունները կհանգեցնեն խնդրի հարատև և դիվանագիտական ճանապարհով ձեռք բերված լուծման»,- նշել է Արաղչին։
Դրա հետ մեկտեղ իրանական դիվանագիտության ղեկավարը նաև կոչ է արել Վաշինգտոնին «հրաժարվել Իսլամական Հանրապետության դեմ ուժի կիրառման սպառնալիքներից»։ Աբբաս Արաղչին իրանական լրատվամիջոցներին ասել է, որ դեռ շատ բան կա անելու, իսկ առաջընթացը չի նշանակում, որ համաձայնագիրը շուտով կկնքվի: Գործընթացը, այդուհանդերձ, սկսվել է, ասել է նա:
Հիշեցնենք, որ փետրվարի 6-ին Օմանի մայրաքաղաքում տեղի է ունեցել Իրանի և ԱՄՆ-ի միջև Թեհրանի միջուկային ծրագրի շուրջ ստեղծված ճգնաժամի լուծման վերաբերյալ անուղղակի բանակցությունների առաջին փուլը։
Շարունակությունը՝ սկզբնաղբյուր կայքում։
