news.am Հունգարիան դադարեցրել է դիզելային վառելիքի արտահանումն Ուկրաինա։ Որոշման մասին հայտարարել է Հունգարիայի արտաքին գործերի և առևտրի նախարար Պետեր Սիյարտոն։
«Տեղեկացնում եմ ձեզ, որ դիզելային վառելիքի մատակարարումը Ուկրաինա դադարեցվել է։ Եվ դրանք չեն վերականգնվի մինչև «Դրուժբա» խողովակաշարով նավթի մատակարարումների վերսկսումը»,- ասել է Սիյարտոն։
Նմանատիպ որոշում է ընդունել նաև Սլովակիան։ Վարչապետ Ռոբերտ Ֆիցոն իր հերթին Վլադիմիր Զելենսկուն սպառնացել է ամբողջությամբ դադարեցնել էլեկտրաէներգիայի մատակարարումը։
