azatutyun.am ԵՄ հանձնաժողովն իրավունք ունի ընդունելու ԱՄՆ նախագահ Դոնալդ Թրամփի Խաղաղության խորհրդի առաջին հանդիպմանը մասնակցելու հրավերը՝ չնայած տարբեր անդամ պետություններից հնչած քննադատություններին։ Այս մասին այսօր լրագրողներին Բրյուսելում հայտնել է հանձնաժողովի խոսնակ Պաուլա Պինյոնը՝ ընգծելով, թե հանձնաժողովի լիազորությունների մեջ է մտնում նման հրավերներին մասնակցելը։
Ֆրանսիայի արտգործնախարար Ժան-Նոել Բարոն էր ասել, որ ԵՄ հանձնաժողովը չպետք է ընդուներ հրավերը, քանի որ «այն խորհրդից մանդատ չի ստացել»։
Պինյոն արձագանքել է, որ «հանդիպմանը մասնակցությունը չի նշանակում, թե հանձնաժողովը հավանություն է տալիս Խաղաղության խորհրդին, այլ հստակ ազդակ է, որ հանձնաժողովը պարտավորություններ ունի Պաղեստինի և Գազայի վերականգնման շուրջ»։
Վաշինգտոնում Խաղաղության խորհրդի առաջին նիստն է՝ Դոնալդ Թրամփի նախագահությամբ: Միացյալ Նահանգներ են մեկնել նաև Հայաստանի և Ադրբեջանի ղեկավարները։
