1lurer.am Աֆղանստան-Պակիստան սահմանին լարվածությունը պահպանվում է: Փետրվարի 27-ին բռնկված բախումները և ավիահարվածները շարունակվել են:
Պակիստանից հայտնում են, որ թալիբների շրջանում զոհերի թիվն արդեն գերազանցում է 330-ը, 500-ից ավելի մարդ վիրավորվել է: Հաղորդվում է, որ թիրախավորվել են Աֆղանստանի տարածքում գտնվող մի քանի տասնյակ օբյեկտներ, կա դիրքային առաջխաղացում:
Քաբուլից տեղեկացրել են, որ պակիստանյան հարվածների հետևանքով զոհվել են նաև խաղաղ բնակիչներ, այդ թվում՝ կանայք և երեխաներ:
ՄԱԿ-ի գլխավոր քարտուղարը կոչ է արել Իսլամաբադին և Քաբուլին՝ դադարեցնել ռազմական գործողությունները և կարգավորել տարաձայնությունները դիվանագիտական միջոցներով:
Շարունակությունը՝ սկզբնաղբյուր կայքում
Փետրվարի 28-ի առավոտյան Իսրայելը օդային հարվածներ է հասցրել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով»։ Իսրայելի սկսած ռազմական գործողությանը միացել է նաեւ ԱՄՆ-ն։ Միացյալ Նահանգների նախագահ Դոնալդ Թրամփը հայտարարել է, որ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
