news.am ՄԱԿ-ում Իրանի մշտական ներկայացուցիչ Ամիր Սաիդ Իրավանին հայտնել է, որ Իրանի դեմ ԱՄՆ-ի և Իսրայելի գործողությունների սկզբից ի վեր զոհվել է ավելի քան 1348 խաղաղ բնակիչ, իսկ վիրավորվել՝ ավելի քան 17 հազարը։
«2026 թվականի փետրվարի 28-ից ի վեր ԱՄՆ-ի և Իսրայելի ուժերի շարունակական հարվածների հետևանքով զոհվել է ավելի քան 1348 խաղաղ բնակիչ, նրանց թվում՝ կանայք և երեխաներ, և վիրավորվել է ավելի քան 17 հազար խաղաղ բնակիչ»,- ՄԱԿ-ի Անվտանգության խորհրդի նիստում հայտարարել է Իրավանին։
Նա հայտարարել է, որ Միացյալ Նահանգները և Իսրայելը պետք է փոխհատուցեն Իրանի դեմ ագրեսիայի ընթացքում պատճառված բոլոր վնասները։
«Ագրեսորները, դրանց թվում՝ Միացյալ Նահանգները, պարտավոր են լիովին փոխհատուցել Իրանի և նրա քաղաքացիների դեմ շարունակվող հարձակումների հետևանքով պատճառված վնասը, ներառյալ ցանկացած նյութական վնաս»,- ՄԱԿ-ի Անվտանգության խորհրդի նիստում ընդգծել է Իրավանին։
