Ցեղասպանության թանգարան-ինստիտուտի տնօրեն Էդիտա Գզոյանը հրաժարականի դիմում է գրել Փաշինյանի ցուցումով:
Այս մասին ճեպազրույցի ժամանակ ասաց հենց ինքը Նիկոլ Փաշինյանը՝ նշելով, որ Արցախյան հիմնահարցի վերաբերյալ գիրք նվիրելը ինքը համարել է «Կառավարության վարած արտաքին քաղաքականությանը հակառակ, սադրիչ գործողություն»:
«Երբ երկրի վարչապետը ասում է՝ Ղարաբաղյան շարժում չկա, օտարերկրյա հյուրին Արցախյան հիմնահարց թեմայով գիրք նվիրել ի՞նչ է նշանակում: Էս երկրում քանի՞ հոգի կարող է արտաքին քաղաքականության վարի: Այն պետական պաշտոնյան, որ Կառավարության վարած արտաքին քաղաքականությանը հակասող բան կասի, կազատվի պաշտոնից: Մենք պետությո՞ւն ենք, թե՞ սա ինքնագործ խմբակ ա»,- ասաց նա:
Հիշեցնենք, ավելի վաղ հայտնի էր դարձել, որ ԱՄՆ փոխնախագահ Ջեյ Դի Վենսի՝ Ցեղասպանության հուշահամալիր այցից մեկ ամիս անց թանգարան-ինստիտուտի տնօրեն Էդիտա Գզոյանը հեռանում է աշխատանքից։
Գզոյանը ուղեկցել էր Վենս ամուսիններին Հայոց ցեղասպանության հուշահամալիրում, որտեղ պատմել էր Սումգայիթի, Բաքվի, Գանձակի արյունոտ իրադարձությունների, նաև արցախյան պատերազմի մասին։ Գզոյանը Ջեյ Դի Վենսին էր փոխանցել Հայոց ցեղասպանության և Արցախի հիմնախնդրի մասին գրքեր:
