azatutyun.am Քննչական կոմիտեն միջնորդել է, որ գործարար Սամվել Կարապետյանի տնային կալանքը մեկ ամսով երկարաձգվի: Կառույցի խոսնակն «Ազատությանը» փոխանցեց՝ այժմ դատարանում ընթանում է այս միջնորդության քննությունը։
Դատարանի բակում հավաքվել են Սամվել Կարապետյանի աջակիցները:
Դատարանի բակում է նախկին վարչապետ Կարեն Կարապետյանը: Լրագրողների հարցին՝ արդյոք առաջարկ եղե՞լ է լինել «Ուժեղ Հայաստան» կուսակցության առաջին համարը և դառնալ վարչապետի թեկնածու, նա պատասխանեց՝ «ոչ»:
«Ուժեղ Հայաստան» կուսակցության ներկայացուցիչներն այսօր ավելի վաղ ակցիա են իրականացրել կառավարության դիմաց:
Հիշեցնենք՝ դեկտեմբերի 30-ին Սամվել Կարապետյանի նկատմամբ դատարանը խափանման միջոց էր կիրառել տնային կալանքը և գրավ:
