news.am Բելառուսի նախագահ Ալեքսանդր Լուկաշենկոյի կարծիքով՝ ԱՄՆ-ը փորձում է դուրս գալ Իրանի հետ ռազմական հակամարտությունից։
Լրագրողների հետ զրույցում նախագահը նշել է, որ ԱՄՆ-ի, Իսրայելի եւ Իրանի միջեւ հակամարտությունում ներկայում համեմատական դադար է։ «Եվ հարցն այն է, թե ինչ անել։ Թրամփն ասում է. «Ի՞նչ է պատահել։ Մենք արդեն ամեն ինչ ռմբակոծել ենք այնտեղ, մեզ ոչինչ չի մնացել անելու»։ Սա արդեն փորձ է դուրս գալու այս իրավիճակից։ Եվ Դոնալդ Թրամփը ճիշտ է։ Սա լավագույն տարբերակն է։ Թող ասեն, որ արդեն ամեն ինչ ռմբակոծել են այնտեղ։ Բայց դուրս գան (հակամարտությունից)։ Որովհետեւ հետո ավելի վատ է լինելու»,- ասել է Լուկաշենկոն։
Շարունակությունը՝ սկզբնաղբյուր կայքում
Փետրվարի 28-ին Իսրայելն ու ԱՄՆ-ն սկսել են հարվածներ հասցնել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով», իսկ Դոնալդ Թրամփը հայտարարել է՝ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իսրայելաամերիկյան հարվածների հետևանքով զոհվել են Իրանի գերագույն առաջնորդ Այաթոլլա Ալի Խամենեին, Իրանի Իսլամական հեղափոխության պահապանների կորպուսի հրամանատար Մոհամմեդ Փաքփուրը, պաշտպանության նախարար Ազիզ Նասիրզադեն և այլ բարձրաստիճան պաշտոնյաններ։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
