«Ուժեղ Հայաստան» կուսակցությունը Սամվել Կարապետյանի կալանքը երկարաձգելու մասին դատարանի որոշումից հետո Ֆեյսբուքյան էջում հայտարարություն է տարածել։ Դրանում ասվում է․ «Կայացվեց մի որոշում, որն ապացուցում է, թե որքան է Նիկոլ Փաշինյանը վախենում Սամվել Կարապետյանից։
Մենք պաշտոնապես հայտարարում ենք թե՛ տեղական, թե՛ միջազգային քայլեր ներառող համակարգված արշավի մեկնարկի մասին. առանց այս քայլերի Հայաստանի միջազգային հեղինակությունը կփլուզվի, քանի որ այն գնում է դեպի ավտոկրատիա (անձնիշխանություն)։
Փաշինյանը համակարգված կերպով ոչնչացնում է Հայաստանի` որպես ժողովրդավարական պետության լեգիտիմությունը:
Մենք ձեռքներս ծալած չենք նստելու։ Առաջիկա օրերին մենք կհայտարարենք արդարությունը վերականգնելու մեր հաջորդ` կոնկրետ քայլերի մասին։
Երեք ամսից Սամվել Կարապետյանը լինելու է Հայաստանի հաջորդ վարչապետը»:
Ավելի վաղ հայտնել էինք, որ երեկ դատարանը երկարատեւ նիստից հետո որոշեց Սամվել Կարապետյանի կալանքի ժամկետը երկարաձգել եւս 1 ամսով։
