Մետրոպոլիտենում առաջացած տեխնիկական խափանումը վերացվել է։ Այդ մասին ասված է Երևանի մետրոպոլիտենի Ֆեյսբուքի էջում:
«Այս պահին երթևեկությունը վերականգնված է, և իրականացվում է բնականոն, երկկողմանի ռեժիմով ուղևորափոխադրում:
Շնորհակալություն ենք հայտնում ձեր համբերատարության և ըմբռնման համար»,- նշված է գրառման մեջ։
Հիշեցնենք՝ հոսանքի տատանումների հետևանքով մետրոպոլիտենի բաց հատվածում առաջացել էր տեխնիկական խափանում։ Մետրոպոլիտենը անցել էր մեկգծանի երկկողմանի երթևեկության։
