armenpress.am 6,2 մագնիտուդով երկրաշարժ է գրանցվել Խաղաղ օվկիանոսում՝ Ճապոնիայի Հոնսյու կղզու արևելյան ափի մոտ:
Այս մասին հաղորդել է Ռուսաստանի գիտությունների ակադեմիայի Միասնական երկրաֆիզիկայի ծառայության Ալթայ-Սայանյան մասնաճյուղը:
Մասնաճյուղի օպերատիվ մշակման տվյալների համաձայն՝ երկրաշարժը գրանցվել է մարտի 26-ին, էպիկենտրոնը գտնվում է Միյակո քաղաքից 165 կմ արևելք։
Էպիկենտրոնում ցնցումների ինտենսիվությամբ երկրաշարժը գնահատվել է որպես «ավերիչ»:
ԱՄՆ Երկրաբանական ծառայությունը երկրաշարժի ուժգնությունը գնահատել է 6,5 մագնիտուդ: Ամերիկացի սեյսմոլոգների տվյալներով ՝ երկրաշարժի օջախը գտնվել է 9,5 կմ խորության վրա:
