shantnews.am Հավաքական անվտանգության պայմանագրի կազմակերպությունը (ՀԱՊԿ) չէր կարող միջամտել Ղարաբաղում ստեղծված իրավիճակին՝ 2022 թվականին Պրահայում Հայաստանի ղեկավարության կողմից արված հայտարարություններից հետո, հայտարարել է Ռուսաստանի նախագահ Վլադիմիր Պուտինը։
«Կարծում եմ՝ նույնքան ակնհայտ է, որ 2022 թվականին Պրահայում Ղարաբաղը Ադրբեջանի մաս ճանաչելուց հետո ՀԱՊԿ-ի կողմից բացարձակապես սխալ կլիներ միջամտել այս գործընթացին, որը ստացել էր ներադրբեջանական բնույթ», – ասել է Պուտինը Փաշինյանի հետ հանդիպման ժամանակ։
Նշենք, որ հանդիպման ժամանակ, Ի պատասխան Պուտինի այս պնդման, Նիկոլ Փաշինյանն ասել է, որ 2022 թվականին ՀԱՊԿ-ի մեխանիզմները պետք է աշխատեին, բայց չեն աշխատել:
«Մենք չենք թաքցրել մեր խնդիրները ՀԱՊԿ-ի հետ, որովհետև մենք 2022-ին ունեցել ենք կոնկրետ իրավիճակ, իմ կարծիքով՝ մեխանիզմները պետք է աշխատեին, բայց չաշխատեցին։ Մենք հիմա չենք մասնակցում ՀԱՊԿ-ի աշխատանքներին պարզ պատճառով, քանի որ ի վիճակի չենք մեր քաղաքացիներին բացատրել, թե ինչու ՀԱՊԿ-ը չի արձագանքել՝ չնայած համաձայնագրով ունեցած պարտավորություններին»,- նշել էր Փաշինյանը։
Նշենք, որ ՀԱՊԿ-ի մեխանիզմները պետք է գործեին այն ժամանակ, երբ Ադրբեջանը հարձակում էր գործել ՀՀ ուղղությամբ եւ օկուպացրել Հայաստանի ինքնիշխան տարածքներ, մինչդեռ Պուտինը այդ թեման կապում է ԼՂ-ի հետ, որտեղ, իրականում, պետք է գորօեին ռուս խաղաղապահները։
