news.am Թուրքիայի նախագահ Ռեջեփ Թայիփ Էրդողանը հայտնել է, որ իր երկիրը պատրաստ է հյուրընկալել Ուկրաինայի, ԱՄՆ-ի եւ Ռուսաստանի միջեւ խաղաղ բանակցությունների հաջորդ փուլը, հաղորդել է «РБК-Украина»-ն՝ հղում կատարելով Ուկրաինայի նախագահի կայքին։

Մասնավորապես, այսօր՝ շաբաթ օրը, ապրիլի 4-ին, Վլադիմիր Զելենսկին ժամանել է Թուրքիա, որտեղ հանդիպել է Թուրքիայի պետության ղեկավարի հետ։ Հանդիպման ընթացքում Ուկրաինայի նախագահը Էրդողանին պատմել է ամերիկյան թիմի հետ իր շփումների մանրամասների մասին։