Ես ինքս կողմ եմ, որ բացառվեն անձնանունները կուսակցությունների դաշինքների անվանումներում:
Այս մասին ԱԺ արտահերթ նիստի ժամանակ ասաց «Հայաստան» խմբակցության քարտուղար Արծվիկ Մինասյանը:
Հիշեցնենք, որ ԱԺ արտահերթ նիստում քննարկվում են Ընտրական օրենսգրքում առաջարկվող փոփոխությունները: Ի թիվս այլնի՝ առաջարկվում է արգելել կուսակցությունների դաշինքների անվանումներում օգտագործել անձնանուններ:
Հակադարձելով ՔՊ խմբակցության պատգամավորների այն պնդումներին, որ ընդդիմությունը դեմ է այս դրույթին, Մինասյանը պնդեց, որ իրենց ասածը դա չէ:
«Անգամ եթե դա տեխնիկական վրիպակ է, դուք իրավունք չունեիք 2 ամիս առաջ քաղաքական դաշտում արդեն միջավայր ստեղծած իրավիճակում էս փոփոխությունն անեիք:
Ուզեք, թե չուզեք, սա քաղաքական հետևանք է առաջացնում»,- հայտարարեց Մինասյանը:
Մինասյանը մեղադրեց իշխանությանը, որ նախագծով առաջարկվող մյուս դրական փոփոխությունները խառնել է այս քաղաքական հարցի հետ:
