Ինչպես հայտնել ենք Իրանն ու ԱՄՆ-ն համաձայնության են եկել երկշաբաթյա հրադադարի շուրջ:
Կողմերը հայտնել են, որ բանակցությունների հիմք է Իրանի Ազգային անվտանգության գերագույն խորհրդի ներկայացրած 10-կետանոց համաձայնագրի նախագիծը:
Իրանական գերատեսչությանը մոտ կանգնած Nour News-ը հրապարակել է նախգծի հիմնական դրույթները.
- Չհարձակման երաշխիքներ. ԱՄՆ-ն պետք է հանձնառություն ստանձնի՝ երաշխավորելու Իրանի դեմ հետագա ագրեսիայի բացառումը:
- Վերահսկողություն Հորմուզի նեղուցի նկատմամբ. Իրանի զինված ուժերը մշտապես պետք է վերահսկեն և համակարգեն նեղուցով նավերի անցումը:
- Միջուկային իրավունքների ճանաչում. Իրանի՝ ուրանի հարստացման իրավունքի ընդունում իր միջուկային ծրագրի շրջանակներում:
- Առաջնային պատժամիջոցների չեղարկում. Իրանի դեմ կիրառված բոլոր ուղղակի պատժամիջոցների վերացում:
- Երկրորդային պատժամիջոցների չեղարկում. պատժամիջոցների վերացում այն օտարերկրյա սուբյեկտների նկատմամբ, որոնք գործարքներ են իրականացնում իրանական հաստատությունների հետ:
- ՄԱԿ բանաձևերի դադարեցում. Իրանի դեմ ուղղված ՄԱԿ անվտանգության խորհրդի բոլոր թիրախային բանաձևերի չեղարկում:
- ՄԱԳԱՏԷ-ի բանաձևերի դադարեցում. Իրանի միջուկային ծրագրի վերաբերյալ ՄԱԳԱՏԷ-ի կառավարիչների խորհրդի բոլոր բանաձևերի դադարեցում:
- Պատերազմական վնասի փոխհատուցում
- ԱՄՆ զորքերի դուրսբերում. տարածաշրջանից (Մերձավոր Արևելքից) ԱՄՆ մարտական ստորաբաժանումների ամբողջական դուրսբերում:
- Ռազմական գործողությունների դադարեցում բոլոր ճակատներում. Իսրայելի և Լիբանանի «Հեզբոլլահի» միջև հակամարտության դադարեցումը:
