armenpress.am Հայաստանի վարչապետ Նիկոլ Փաշինյանը հայտարարել է, որ Ղազախստանը հետաքրքրված է TRIPP նախագծով։
Այս մասին լրագրողների հետ ճեպազրույցում ասաց ՀՀ վարչապետ Նիկոլ Փաշինյանը։
«Միջազգային հաղորդակցության նոր ուղի է բացվում, և Ղազախստանը միջազգային տրանսպորտային ոլորտի խոշոր խաղացողներից ու դերակատարներից է մասնավորապես Չինաստանից և դեպի Չինաստան ապրանքների հոսքի առումով։
Ղազախստանի մեր գործընկերները, որոնց հետ այդ հարցը նաև իմ այցի ընթացքում ենք քննարկել, փորձում են առավել առարկայական հասկանալ, թե տրանսպորտային ինչ հնարավորություններ են բացվում և ինչպես է դա անդրադառնալու իրենց վրա։ Ղազախստանը միակ երկիրը չէ, որ այս թեմայով հետաքրքրված է․բազմաթիվ երկրներ հետաքրքրված են։ Հրապարակային պրոցես է գնում, և մենք չենք պատրաստվում դա թաքցնել մեր գործընկերներից։ Բնականաբար, Ղազախստանին մենք պիտի հրավիրենք պատրաստ լինել՝ Հայաստանով տարանցիկ ուղիները օգտագործելու իրենց արտահանումների, ներկրումների ու մատուցվող տրանսպորտային ծառայությունների շղթայի մեջ դիտելու համար»,-ասաց Փաշինյանը։
