shantnews.am ԱՄՆ նախագահ Դոնալդ Թրամփը պնդում է, որ Իրանը գաղտնի խոստացել է հրաժարվել բոլոր միջուկային զենքերից, բայց հրապարակավ շարունակում է խոսել ուրանը հարստացնելու իր իրավունքի մասին։
«Նրանք մեր դեմքին ասում են, որ ազատվում են իրենց բոլոր միջուկային զենքերից, որ ամեն ինչ վերացվում է։ Եվ հետո նրանք գնում են մամուլի մոտ և ասում. «Ոչ, մենք կցանկանայինք հարստացնել»։ Այնպես որ, կտեսնենք», – ասել է Թրամփը The New York Post-ին տված հարցազրույցում։ Նա հավելել է, որ վստահ չէ, «թե արդյոք նրանք ճշմարտությունն են ասում»։
Շարունակությունը՝ սկզբնաղբյուր կայքում
Փետրվարի 28-ին Իսրայելն ու ԱՄՆ-ն սկսել են հարվածներ հասցնել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով», իսկ Դոնալդ Թրամփը հայտարարել է՝ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իսրայելաամերիկյան հարվածների հետևանքով զոհվել են Իրանի գերագույն առաջնորդ Այաթոլլա Ալի Խամենեին, Իրանի Իսլամական հեղափոխության պահապանների կորպուսի հրամանատար Մոհամմեդ Փաքփուրը, պաշտպանության նախարար Ազիզ Նասիրզադեն և այլ բարձրաստիճան պաշտոնյաններ։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
