Հայաստանում Նորվեգիայի արտակարգ և լիազոր դեսպան Բերգլոտ Հովլանդը (նստավայրը՝ Վրաստան) ապրիլի 15-ին հյուրընկալվել է Հայաստանի Կենտրոնական ընտրական հանձնաժողովում։
Այս մասին հաղորդագրություն է տարածել ՀՀ կենտրոնական ընտրական հանձնաժողովը։
Դեսպանին ընդունել են ԿԸՀ նախագահի տեղակալ Նունե Հովհաննիսյանը և ԿԸՀ քարտուղար Արմեն Սմբատյանը։
ԿԸՀ-ն և Միավորված ազգերի կազմակերպության Զարգացման Ծրագիրը դեռևս նախորդ տարի հայտարարել էին ARTEMIS ծրագրի մեկնարկի մասին։ Այն ուղղված է ընտրական համակարգի թափանցիկ և ներառական կառավարման բարեփոխումների առաջխաղացմանը։
Փաստաթղթի ստորագրմանը մասնակցել է նաև Նորվեգիայի Թագավորության արտակարգ և լիազոր դեսպանը։
Դեսպան Հովլանդը հետաքրքրվել է նախագծի աշխատանքներից և ԱԺ ընտրությունների նախապատրաստական ընթացքից։
