azatutyun.am Եվրոպական հանձնաժողովը 1.07 միլիարդ եվրո կներդնի 57 պաշտպանական նախագծերում։ Խոսքն այնպիսի ռազմավարական ոլորտների մասին է, ինչպիսիք են արհեստական բանականությունը, կիբեռանվտանգությունը, անօդաչու սարքերը և հակադրոնային համակարգերը։
Հանձնաժողովի տվյալներով՝ այդ գումարը 2021-2027 թվականների համար նախատեսած 7.3 միլիարդ եվրոյի ֆոնդի մաս է կազմում։
Ներդրումները աջակցում են European Commission-ի «Defence Readiness Roadmap 2030» ծրագրի նպատակներին, որը նախատեսում է ֆինանսավորում չորս խոշոր պաշտպանական նախաձեռնությունների համար՝ եվրոպական դրոնային պաշտպանություն, արևելյան սահմանների վերահսկում, եվրոպական օդային վահան և եվրոպական տիեզերական վահան։
ԵՄ-ն նաև խորացնում է համագործակցությունը Ուկրաինայի պաշտպանական արդյունաբերության հետ։ Այդ նախաձեռնություններից մեկը՝ Project STRATUS-ը, կստեղծի արհեստական բանականությամբ աշխատող կիբեռպաշտպանական համակարգ՝ ուղղված դրոնների խմբերի պաշտպանությանը։
Ընտրված նախագծերին մասնակցում է 634 կազմակերպություն՝ ԵՄ 26 անդամ երկրներից և Նորվեգիայից։
