armenpress.am Հայաստանի Հանրապետությունը մտնում է TRIPP («Թրամփի ուղի՝ հանուն միջազգային խաղաղության և բարեկեցության) նախագծի իրագործման փուլ:
Այս մասին Ազգային ժողովում հայտարարեց Հայաստանի վարչապետ Նիկոլ Փաշինյանը:
«Ուրախությամբ պետք է արձանագրենք, որ, ի հեճուկս միջազգային բարդ իրադրության, թե՛ Ամերիկայի Միացյալ Նահանգների, թե՛ Հայաստանի Հանրապետության, թե՛ Ադրբեջանի Հանրապետության կառավարությունները տարածաշրջանային կոմունիկացիաների վերաբացումը և TRIPP նախագծի իրականացումը համարում են առաջնահերթություն»,- ասաց վարչապետը:
Նիկոլ Փաշինյանն ընդգծեց՝ սա բխում է այն գիտակցումից, որ նախագծի իրագործումը մեր տարածաշրջանում երկարաժամկետ, կայուն և հուսալի խաղաղության կարևոր հենասյուն է դառնում:
