Այսօր շարունակվում է Սամվել Կարապետյանի խափանման միջոցի քննությունը։
Դատական նիստին զուգահեռ Կարապետյանին ազատ արձակելու պահանջով բողոքի ակցիա են անում նրա աջակիցները։ Նրանք երթով շարժվում են դեպի Հակակոռուպցիոն դատարան, որտեղ ընթանում է նիստը։
Մի պահ իրավիճակը երթի մասնակիցների ու ոստիկանների միջև լարվեց, ապա հանդարտվեց։
ՆԳՆ-ից հայտնել են, որ վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված արարք կատարելու համար 17 անձ ձերբակալվել և տեղափոխվել է Համայնքային ոստիկանության ստորաբաժանումներ։
Հիշեցնենք, որ միջնորդություն էր ներկայացվել դատարան՝ առաջնահերթության կարգով քննելու Կարապետյանի խափանման միջոցի հարցը: Ապրիլի 15-ին մեկնարկած դատական նիստը հետաձգվել էր ապրիլի 17-ին։
