Լիբանանում հրադադարով պայմանավորված՝ Հորմուզի նեղուցը բաց կլինի բոլոր առևտրային նավերի համար մինչև հրադադարի ժամկետի ավարտը։
Այս մասին «X»-ում հայտնել է Իրանի ԱԳ նախարար Աբբաս Արաղչին։
Աբբաս Արաղչին նշել է, որ նեղուցով նավերի անցումը կիրականացվի համաձայնեցված երթուղով, ինչի մասին արդեն հայտարարել են Իրանի նավահանգիստներն ու ծովային կազմակերպությունը:
Հիշեցնենք, որ Լիբանանն ու Իսրայելը տասնօրյա հրադադարի մասին համաձայնության են եկել: Իսրայելը 1,5 ամիս հարվածներ էր հասցնում Լիբանանին՝ Իրանին աջակցող «Հեզբոլլահ» շարժման դեմ պայքարի շրջանակում։ Իսրայելական հարվածներից Լիբանանում շուրջ 2200 մարդ է զոհվել։
