Այսօր Հակակոռուպցիոն դատարանի դիմաց «Ուժեղ Հայաստան» կուսակցության համակիրների մասնակցությամբ տեղի ունեցած միջադեպի առթիվ նախաձեռնվել է քրեական վարույթ՝ մի խումբ անձանց կողմից խուլիգանություն կատարելու և պաշտոնատար անձի օրինական ծառայողական գործունեությանը միջամտելու հոդվածների հատկանիշներով: Այս մասին հայտնել է ՀՀ քննչական կոմիտեի մամուլի քարտուղար Կիմա Ավդալյանը։
Քրեական վարույթի նախաքննության ընթացքում 17 անձ ձերբակալվել է:
Կատարվում են քննչական և վարութային անհրաժեշտ գործողություններ:
Հիշեցնենք, որ այսօր՝ ապրիլի 17-ին, Սամվել Կարապետյանի գործով նիստին զուգահեռ նրա աջակիցները բողոքի ակցիա էին կազմակերպել։ Քանի որ քաղաքացիները ճանապարհը չեն բացել, ոստիկանները սկսել են նրանց բերման ենթարկել:
